По заеднички договор меѓу двете страни, откажан е пријателскиот натпревар на Брегалница со бугарскиот второлигаш Септември Симитли.
Дуелот со Септември Симитли првично беше закажан за в недела, 6. февруари, во Штип, како „генералка“ пред почетокот на вториот дел од шампионатот, но истиот сега се откажува.
До почетокот на пролетниот дел од Првата македонска фудбалска лига „сините“ продолжуваат максимално активно со своите подготовки, во очекување на првиот пролетен натпревар против Ренова на 12. февруари (сабота) на Градскиот стадион во Штип, со почеток од 14 часот. Натпреварот со Ренова ќе биде пренесуван на МТВ и Арена Спорт.