Трпчевски од Кавадарци ќе го суди мечот во Струга, реванш дуелот од Купот против Лабуништа без публика

  • 02.03.2020
  • ФК Брегалница
Стојанче Трпчевски од Кавадарци ќе биде главен судија на реванш натпреварот од четвртфиналето во Купот на Македонија меѓу Лабуништа и Брегалница кој во среда (4. март) со почеток од 14 часот се игра на Градскиот стадион во Струга.

На Трпчевски ќе му помагаат Илија Гонев од Неготино и Драган Трпчевски од Кавадарци, а четврти судија ќе биде Игор Иванов од Велес. Делегат на натпреварот ќе биде Славчо Ѓорѓиоски од Прилеп а контролор - Марјан Ристески од Кичево.

Натпреварот, согласно препораката од Владата за превенција поради коронавирусот, повторно ќе се игра без присуство на публика.

По првиот натпревар Брегалница има предност од 1-0. Стрелец на победничкиот гол за „сините“ на дуелот во Штип беше Мартин Стојанов.