Еден од најголемите таленти на Брегалница и на македонскиот фудбал, централниот дефанзивец Јован Манев беше стрелец на пријателскиот натпревар за младата репрезентација против Работнички кој се одигра во Охрид.

Младата селекција предводена од селекторот Благоја Милевски триумфираше убедливо со 4-0 (1-0) на дуелот против „романтичарите“, а Манев беше стрелец на погодок во второто полувреме. Стрелци на останатите голови беа Сефер Емини, Емир Скендери и Марио Илиевски.

Во дресот на македонската репрезентација настапи и фудбалерот од средниот ред на Брегалница, Анес Османоски.

ПРИЈАТЕЛСКИ НАТПРЕВАР
МАКЕДОНИЈА (У-20) - РАБОТНИЧКИ 4-0 (1-0)
СРЦ „Билјанини извори“ во Охрид.

МАКЕДОНИЈА: Денковски, Велковски, Младеновски, Јахја, Воша, Тошевски, Махарем, Бериша, Димоски, Емини, Илиевски. Уште играа: Манев, Трајкоски, Османоски, Скендери, Наумчески, Ивановски

РАБОТНИЧКИ: Николоски, Пановски, Спасовски, Андовски, Кордоба, Ацковски, Јевтоски, Лазаров, Редев, Андрески, Фазлиу. Уште играа: Герасимовски, Мелов, Масевски, Јовановски, Чурлинов, Ајдини, Додевски, Станковски, Костовски, Дишлиески, Имери