Управниот одбор на Фудбалската федерација на Македонија  денеска донесе одлука за целосен прекин на сезоната во Првата македонска фудбалска лига, но и во Купот на Македонија. Со тоа скратена е можноста Брегалница да се бори за првиот свој трофеј во македонската фудбалска историја.

„Имајќи ја во предвид целокупната епидемиолошка ситуација во земјата и фактот дека бројот на ново заболени секојдневно се зголемува,  Управниот одбор на ФФМ го прифати предлогот на Комисијата за натпреварување за прекин на натпреварувачката сезона 2019/2020 во Прва МФЛ и натпреварувањето во Купот на Македонија“ – се вели во соопштението по состанокот на УО на ФФМ.

Брегалница во полуфиналето од најмасовното домашно клупско натпреварување требаше да се соочи со Академија Пандев. Но, сега и дефинитивно е завршена сезоната за „сините“ кои и следната сезона ќе настапуваат во Втората лига - Исток.