Кадетите триумфално против Ренова, реми на младинците на стартот од пролетта во младинските првенства (ФОТО)

  • 02.03.2020
  • Млади категории
Кадетите на Брегалница запишаа голема победа во дербито против Ренова, во првото пролетно коло од младинските натпреварувања на ФФМ.

Кадетите предводени од тренерот Влатко Давитков славеа со 1-0 на натпреварот во Штип, со погодокот на Октај Амедов. По оваа победа Брегалница во кадетска конкуренција сега е прва со три бода предност во однос на Ренова.



Младинците ремизираа (2-2) на дуелот во Штип. Стрелци за Брегалница беа Марио Рунтев и Љупче Кудев.

Пионерите, исто така ремизираа (2-2) но во Тетово каде стрелци беа Јован Дојчинов и Кудев. Пионерите имаа водство од 1-2 до 90. минута кога Ренова успеа среќно да дојде до бодот. Ова е прво реми за пионерскиот тим после 10 едноподруго победи во првенството. Пионерскиот тим е на врвот од табелата со шест бода предност во однос на Милано.

Помладите пионери одиграа без победник (1-1), а стрелец на единствениот гол за „сините“ беше Еди Мандак.

Во следното коло сите четири категории играат со екипата на Кумамото 2012.