-
25.02.2020
-
Млади категории
Младите фудбалери на Брегалница, генерација на фудбалери родени 2003 и 2004, уште еднаш го потврдија својот квалитет овој пат и преку интернационален тест.
Сините надежи на извонреден начин, со тотална доминација во текот на целиот натпревар, славеа со 2-0 против белградска Црвена Звезда, тим кој важи за еден од најголемите фудбалски расадници на Балканот. Пресметката во Охрид, на која погодоците ги постигнаа Марио Митев и Љупче Кудев, дефинитивно потврди зошто оваа генерација предводена од Драган Арсовски е водечка, без ниту еден пораз, по есенскиот дел од домашното првенство.
Павел Цветков, Филип Донев, Камил Георгиев, Кристијан Јорданов, Дарко Михајлов, Јован Дојчинов, Мартин Митев, Матеј Георгиев, Борче Гогов, Љупче Кудев и Бранко Ангелов, како и Стефан Спиридонов, Марио Стефановски, Иван Мастев, Филип Хубртев, Филип Анастасовски, Бојан Стефановски, кои влегоа во вториот дел, на беспрекорен начин денеска го бранеа синиот дрес на мегдан со големиот фаворит.