Кадетите сервираа „петарда“ против Пелистер во првиот меч од четвртфиналето во Купот на Македонија

  • 24.10.2019
  • ФК Брегалница
Кадетите на Брегалница се на добар пат да обезбедат полуфинале во Купот на Македонија во соодветната конкуренција, откако убедливо славеа со 5-0 во првиот четвртфинален натпревар против Пелистер.

Избраниците на Влатко Давитков сервираа „петарда“ за Пелистер во одличен натпревар во кој уште еднаш беа демонстрирани квалитетите на оваа генерација која во моментов е на лидерското место и во шампионатот од Втората лига.

Триумфот против Пелистер, „сините“ го обезбедија со головите на Доан Бајрамов и Бране Ангелов кои по двапати стрелаа во противничката мрежа, а еден погодок постигна репрезентативецот Љупче Кудев.

Убедлива предност која, во секој случај, ќе мора да се потврди и на реваншот во Битола ако се сека пласман во полуфиналето од Купот.

Кадетскиот состав на Брегалница е убедливо прв и во шампионатот во Втората лига со четири победи и едно реми од досега одиграни пет натпревари. Сето тоа е само потврда на одличната работа на младинската школа на ФК Брегалница предводена од координаторот Борче Постолов кој нуди и се повеќе репрезентативци во соодветните возрасни категории во националните дресови.