Во извонредна партија враќајќи се повторно на својот стадион во Штип, по реконструкцијата на теренот, Брегалница славеше убедливо со 3-0 против Кожуф во дерби пресметката од 9. коло во Втората лига - Исток.
Целокупната задача на дуелот „сините“ си ја завршија во првиот половина час од играта. Извонредна партија демонстрираше Иван Настевски кој уште во 7. минута го отвори резултатот за водство од 1-0.
Но, предноста не го смири темпото на Брегалница која продолжи со офанзивен ритам, па во 16. минута во листата на стрелците се запиша и Мартин Шишков за водство од 2-0.
Во 32. минута, по нова одлична акција стартувана од средниот ред, Иван Настевски го постигна својот втор погодок на мечот за конечни 3-0.
Во второто полувреме избраниците на Добринко Илиевски само рутински ја одржуваа предноста, тактички приведувајќи го натпреварот до крајот, без многу напор за конечно запечатени нови три бода.
БРЕГАЛНИЦА - КОЖУФ 3-0 (3-0)
Градски стадион во Штип. Гледачи: 3.000. Стрелци: Настевски 7', 32', Шишков 16' (Б).
ВТОРА ЛИГА - ИСТОК (9. КОЛО)
Брегалница - Кожуф 3-0
Кит Го - Победа 2-1
Тиквеш - Беласица 1-2
Осогово - Каменица Саса 2-5
Питу Гули - Плачковица 0-1