Брегалница и хрватскиот дефанзивец Антонио Азиновиќ, по заеднички договор, се одлучија на спогодбен прекин на меѓусебната соработка на крајот од изминатата сезона.
Азиновиќ во редовите на Брегалница пристигна во јуни минатата година, и по едногодишен настап во синиот дрес сега заминува од Штип.
Претходно, низ актуелниот преоден рок, Брегалница ги засили дефанзивните позиции со Александар Ристевски, поранешниот македонски репрезентативец Горан Силјановски и Колумбиецот Александер Борха Кордоба.