Фудбалерите на Брегалница претпладнево отпатуваа за Анталија каде во следните две недели ќе биде реализирана втората фаза од подготовките за пролетниот дел од сезоната во Втората лига - Исток.
„Сините“ во Анталија ќе одиграат и четири пријателски натпревари, при што веќе договорени се средбите со тимот до 21 година на Шахтјор Доњецк од Украина, рускиот второлигаш Волгар Астрахан како и узбекистанскиот прволигаш Насаф од Карши.
Натпреварите ќе се играат во спортскиот комплекс во Лара Кунду, Анталија.