Со победа на хуманитарниот меч против прволигашот Борец завршена 2019 година

  • 14.12.2019
  • ФК Брегалница
Фудбалерите на Брегалница со победа ја завршија календарската 2019 година. На пријателскиот натпревар со хуманитарен карактер „сините“ денеска во Велес славеа со 2-4 против прволигашот Борец.

Во натпревар во кој двата тима настапија со комбинирани состави, со голем дел и играчи од младинските категории, Брегалница победи со погодоците на Марио Рунтев, Филип Миленковски, Мартин Стојанов и Пепи Ѓоргиев.

Двете екипи играа за помош на деца болни од церебрална парализа. По овој дуел за избраниците на Добринко Илиевски следи зимската пауза.