Поради активностите околу реконструкцијата на теренот на Градскиот стадион во Штип, натпреварот на Брегалница против прилепска Победа од 7. коло во Втората лига - Исток ќе се игра на стадионот во Пехчево.

Натпреварот е закажан за в недела (6. октомври) со почеток од 15 часот. Главен судија на дуелот ќе биде Благојче Ралевски од Битола, а ќе му помагаат сограѓаните Петар Степановски и Јовче Кокевски. Четврти судија ќе биде Дени Лековски, исто така од Битола. Делегат на мечот ќе биде Никола Џорлев од Струмица, а контролор - Кире Кулумовски од Ресен.